تخيل إني أموت

اليوم 05 يناير 2018

حبيبي مشتاق ..

من حنانك ترويني ..

من حبك إسقيني..

صوتك يدفيني .. إنت روحي وعمري ..

وإنت مالك سنيني..

في بعدك أحس بالضياع ..

خذ عمري ومن حبك أعطيني ..

همومي نسيني .. في حضنك إرميني .. أحبك يا حبيبي

بسألك ليش الهوى منك وفيك ..!!

ليش أبيات شعري تهتويك ..!!

حبيبي نفسي من حناني أرويك ..

ومن حبي وإخلاصي أعطيك

خلك بقربي يالي حياتي معاك غير ..

بدونك تضيع سنيني

أحبك حب جنون .. أحبك يا حنون

خذ من عمري سنيني …

خذ أفراحي وحنيني ..

خذ ضحكتي وعطيني دمعتك ..

خذ فرحتي وعطيني همك ..

حبيبي لايق عليك التغلي .. آآآه في صدري ونفسي أغني

أحبك آآآه لو تدري .. أعشقك حتى في أبيات شعري

إنت في وصفك لك الكلمات ما تخلي ..

دلع حنان جمال

يالي في رمشك ساحرني ..

وفي عيونك نظرة آآآه يا ذابحني..

أفكر فيك صبح وليل .. أموت فيك يا عمري حيل

إنت يا ساكن بين رمشي وبين .. قلبي وصدري .. وبين يدي

شوفتك يا قلبي ترد الروح .. يالي بعدك روحي والله تروح

أمنتك بالله لا تروح ..

لأني بديت فيك أبني أحلامي .. صدقني حتى كل آمالي

تخيلت أنا وإنت والليل ..

وإنت بقربي وأضمك لصدري ..

أحبك حبيبي حيل

بعدك سقاني الويل .. يا ويلي آآآه يا ويل ..

نفسي أحط يدي بيدك .. أجلس مرتاح وأنا حدك

نفسي يوم أصبح .. أصبح بوجهك .. وأمسي على صوتك

حبيبي لا تخاف ولا تخيب ظنونك .. لا تفكر إني بيوم ببعد وأنساك

كيف وأنا يا عمري أهواك ..

حبيبي أحتارت فيك الكلمات .. نفسي أهمس هالهمسات

أحبك و روحي تموت بلياك .. لا تفكر إني بهالكلمات

أقدر أوصف لحظه من هاللحظات ..

إلي أعيشها فيك ومعاك وبلاك

كلمة أحبك والله قليلة .. نفسي ألقى لها بديلة ..

مليت وإنت أغلى وما بيدي حيلة ..

الوفا والإخلاص قلبي دليلة ..

أكتب .. ودمعي على خدي

أسكت .. وآآآآه في صدري

أفكر .. وأنت وحدك بعقلي

تقول : إنك تحبني ..!! إنك تهواني ..!! تعشقني ..!!

وأنا أقول : إنت كياني .. إنت نفسي ودمي وشرياني

إنت كل أهلي وأصحابي وأحبابي ..

أكتب وأدري إن هذا مب كلامي .. أحس قلبي يكتب معاي

نفسي أوصل لك كلامي .. إعجابي و هيامي

الكل يقول إنت متغير ..!! تحب ..!! مجنون ..!!

وأنا أقول إني متحير .. أعشق وأحب بجنون

مجنون أنا فيك .. وقلبي يهتويك .. تصدق ..!!

حبر قلمي خلص .. والحب بعده يكبر ويكبر ..

أحاول أنهي ما أقدر .. دموعي بعيني تحير ..

حبيبي أحس في داخلي إنسان ..أكيد مو أنا ..!!

لأني أحس إنك عايش فيني .. سارق سنيني ..

قلي وين أودي حنيني ..!!

عيونك آمالي يا فرحت أيامي ويا حلم سنيني

أشوفك أفرح .. عيونك تسحر .. شوفتك تذبح

ولا مشيتك .. وآآآآآآه من خصرك

حبيبي تخيل إني أموت ..!!

بس بسألك سؤال بين قلبي وقلبك ..!!

وإنت واقف على قبري ( لا تقول بعيد الشر يومي قبلك )

شوفي قبري .. ولا يهون أشوف قبرك ..

حبيبي يومي قبلك ..

أعيش أحبك .. وأموت لأجلك صدقني حبيبي حبك عالم ثاني

نساني حالي .. ربي يحفظك .. ربي يصونك

ويخلي الحب بينا .. والحب يكبر ويكبر ..

أحبك حبيبي وربي يـشـهـد ..

أحبكـ …. أحبكـ

قصائد أخرى

لاتعاند

لا تعاند ربـــــي خـلـقـنـي وأحسن فـي وصوفــــــــــــي وخـلق الـطـيـبـة فـي قــــــلـبــي والــــــفـــــؤاد لا عــاش مـن يـــــوم يـقـدر يــشوفها دمـــوعي ولا هــز مـمـلــكــتـي الــمــوت أو الإبــتــعـــــاد شامـخ غصب عنكم مهمى […]

17 أكتوبر 2018

الهم مزروع

تـعـبـت أكـتب عن أحزاني و أوصف هــالـدمـــوع يــاخـي أبـي أكتب عــن حياتي شئ ثاني ودي هــالـحــزن فـيـنـي يـخـتـفـي لـــو أســـبـــوع مدري ليش أنــا بالذات زمـانـي تـحـدانـي تعبت أكتب حروفي […]

05 يناير 2018

سؤال..!!

تـعـال شـوف قـلـبـي وادخــل أعـمـاقـه وأقــراه تعب فـي غيابك يا حبيبي يـلـمـح طـيـوفـك ظلمة الليالي وطــول الـبـعد مــن حـبـك أظـمـاه تعال ارجع أبيك مابي أسـمـعـهـا ظـروفـك حــبــك بخفوقي […]

05 يناير 2018