اليوم 05 يناير 2018
حبيبي فكرت وبكتبلك أشعاري
أبيك تحس كم أعاني
أبيك تفهم كلماتي
برسلك أحزاني مع أشواقي
بوصفلك شلون حبيبي هيامي
مشتاقلك ومشتاق لآلامي
وأدري إنك أشتقت لدمعاتي
أكون معاك وأحس إني لحالي
شوف قصيدي وإسمع ألحاني
وإنت عارف إنك لقيت بدالي
لا تقول أحبك وحب وكلام فاضي
روح يا شيخ وخلني لحالي
تراني منك تعبان ومليت أداري
روح وإطلع من كياني
ولا أقلك إطلع من راسي
مليت منك وأنت ولا داري
لا تفكر إنك في بالي..!!
والله خسئت ما تستاهل كلماتي
لاتفكر إنك بيوم بتشوف دمعاتي
إلي مثلك ما يستاهل غير التهاني
أهنيك إنك تركتني بالهوى أعاني
عرفت شلون تلعب بأوتاري
حبيبي وتخرب حتى أفكاري
مثل الطفل ..!! تلعب بصفحاتي
يوم تعجبك صفحة تسرق من أوراقي
وتقول حبيبي أهداني
من أشعاره حب وهيام ومعاني
قلي وش تعرف بالحب غير إني أعاني ..!!
لا وتقول معاني ..!!
أي معاني وأنـت مـب في بـــالـــي
لا تتخيل يوم شفتني لحالي
تقول حزين وأكيد مشتاق لحناني
تراك مسكين ما تستاهل إخلاصي
حبي فيك خسارة تصدق حتى كلامي
تراك واحد أناني
وإلى يقول إنك إستغلالي
والله حبيبي أحطه على راسي
تراني لو منك أغير من عنادي
قلي وين تلقى بدالي ..!!
وين تلقى مثل كلماتي
تراني شاعر وأعجبك بكلامي
وإلى يعجبني خلاص أحطه براسي
صدقني هو بس إلي يحلالي
أعتبره كياني وحياتي
تراني شاعر ويحق لي أشوف حالي
لأني أتبسم ولجروحي أداري
وما أحد يعرف أحزاني
غير قلمي و أوراقي
حبيبي من كثر ما أعاني
أضحك ولا همني ولا أبالي
والله ما عدت أطيق أشوفك قدامي
خلاص إطلع من راسي
أبي أرتاح منك ومن أحزاني
